GËZUAR KURBAN BAJRAMIN!

Sot është Kurban Bajrami. Në emër të Portalit Postribe.comju urojmë gëzuar festën e Bajramit të Kurbanit.

Entuziazmi i Bajramit të Kurbanit ka përfshirë të gjithë vendin.

Entuziazmi filloi në xhami, të cilat u mbushën plot e për plotë me besimtarët që kishin ardhur për të falur namazin e Bajramit.

Qytetarët, i madh e i vogël u drejtuan që në orët e para të mëngjesit drejt xhamive për të falur namazin e bajramit.

Qytetarët hynë në radhë në vendet e ngritura nga bashkinë dhe komunat dhe nisën të bëjnë kurbanet.

Kafshët u bënë kurban nën shoqërimin e lutjeve të rastit dhe mishi i kurbanit të prerë u nda në pjesë, u paketua dhe iu dorëzua të zotit të kurbanit.

Ndjenja e ndarjes së mishit të kurbanit me personat në nevojë është një nga anët më të bukura që e bën këtë ritual të jetë me të vërtetë një ditë dhe festë fetare kuptimplote për besimtarët që prenë kurban.

Festimet vazhduan gjatë ditës me urime, përgëzime dhe vizita të ndërsjellta tek të afërmit, miqtë dhe shokët.

Facebook Comments